आजदेखि दुई दिने देशव्यापी ब्याङ्क, एटीएम बन्द

सिलगढी : ब्याङ्कलाई नीजिकरण गर्ने तथा संयुक्तिकरण गर्ने पहलको प्रतिवाद जनाउँदै ब्याङ्क संगठनहरूले आजदेखि दुई दिने राष्ट्रिय व्यापी ब्याङ्कहरू बन्द राखेको छ। केन्द्र सरकारले नयाँ बजटमा राज्यको स्वामित्वमा रहेको सबै ब्याङ्कहरूलाई निजीकरण गर्ने भएको छ। केन्द्र सरकारको उक्त पहललाई लिएर ब्याङ्कमा कार्यरत कर्मचारीहरू असन्तुष्ट भएकोले यसको प्रतिवाद जनाउँदै युनाइटेड फोरम अफ् ब्याङ्क युनियनले आज र भोलि दुई दिन देशभरिकै ब्याङ्कहरूमा बन्द बोलाएको छ। यसको साथै एटीएम परिसेवा पनि आजदेखि दुई दिनको लागि बन्द रहने भएकोले मानिसहरूलाई निक्कै असुविधा भइरहेको छ। ब्याङ्कका एकजना कर्मचारीले बताएअनुसार आजदेखि दुई दिने राष्ट्रियव्यापी ब्याङ्क लगायत एटीएम परिसेवा बन्द रहेकोले गर्दा साधारण मानिसहरूलाई असुविधा भएकोमा आफूहरू दुखित रहेको तर यदि ब्याङ्कहरूलाई नीजिकरण गरिए धेरैजना कमर्चारीहरू बेरोजगार हुने अधिक सम्भावना रहेको छ। ब्याङकहरूलाई नीजिकरण गरिने प्रयासको आफूहरू विरोधमा रहेको बताउँदै यदि आवश्यक परेको खण्डमा वृहत् आन्दोलन गर्ने ब्याङ्क कर्मचारीहरूले बताए।