अन्वेषा मोदकले दिव्याङ्ग नानीहरूसित मनाए जन्मदिन

राजगञ्ज : अन्वेषा मोदकले राजगञ्जको हावडा साउथ पोइन्ट ह्यान्डिक्याप्ड चिल्ड्रेन होमका लगभग 41 जना नानीहरूको साथमा आज आफ्नो जन्मदिन पालन गरिन्। अन्वेषाले आज होमका ससाना नानीहरूको साथमा केक काटेर, चकलेट, बेलुन, खाता, पेन र खानाको प्याकेट प्रदान गरेर आफ्नो जन्मदिन मनाइन्। यस सम्बन्धमा अन्वेषा मोदकले भनिन्, आज मेरो 20औँ जन्मदिन हो। प्रत्येक वर्ष साथीहरूको साथमा जन्मदिन मनाउने गर्थे, तर यस वर्ष परिवार लगायत यी ससाना भाइ-बहिनीहरूको साथमा केक काटेर जन्मदिन मनाए। ती नानीहरूसित समय बिताउन पाउँदा निक्कै खुसी लाग्यो। भविष्यमा पनि यी नानीहरूको साथमा आफ्नो जन्मदिन यस्तै प्रकारले मनाउनेछु।