एटीएम लुट्ने प्रयास गरेको घटना सीसीटीभी क्यामारामा कैद, पुलिसद्वारा जाँच शुरू

सिलगढी : सिलगढीको प्रधान नगर थाना अन्तर्गत पर्ने समरनगरको बटतला इलाकामा गत बिहिबार केही दुष्कृतिहरूले एटीएम लुट्ने प्रयास गरेको थियो। शुक्रबार बिहान स्थानीय मानिसहरूले यसबारे थाहा पाएपछि पुलिसलाई घटनाबारे जानकारी गराए। घटनाको खबर पाएर पुलिस घटनास्थलमा पुगेर जाँच शुरू गरे। घटना भएको 48 घण्टाको अवधिमै पुलिसले उक्त इलाकाको एउटा घरमा जडान गरिएको सीसीटीभी क्यामाराको फुटेजको माध्यमद्वारा आरोपीहरूले एटीएम लुट्ने प्रयास गरेको साथै लुट्न असफल भएपछि एटीएमको स्क्रिन र सीसीटीभी क्यामाराको डीभीडीआर लिएर चम्पट कसेको थाहा पाए। यसैको आधारमा प्रधान नगर थाना पुलिसले दुष्कृतिहरूको खोजी शुरू गरेको छ।