अवैध रूपमा नेपाल प्रवेश गरिरहेको दुई चिनियाँ नागरिकसहित तीनजना पक्राउ

पानीट्याङ्की: पश्चिम बङ्गालको पाँचौँ चरणमा सम्पन्न हुने विधानसभा चुनाउको ठिक एकदिन अघि भारत-नेपाल सिमानाबाट अवैध रूपमा भारतबाट नेपालमा प्रवेश गर्ने प्रयास गरिरहेका दुईजना चीनका नागरिक सहित एकजना भारतीय व्यक्तिलाई पक्राउ गरिएको छ। प्राप्त जानकारीअनुसार आज दिउँसो भारत नेपाल सीमाको बाह्रमणि रामजोतमा खटिएका एसएसबीका जवानहरूले अवैध रूपले भारतबाट नेपाल प्रवेश गरिरहेका दुईजना चीनका नागरिक चेन जिफा र दिङ सु सेङ सहित तिनीहरूलाई अनुप्रवेश गर्न सहयोग पुर्‍याउने भारतीय नागरिक मोहमद इब्राहिमलाई पक्राउ गरेको छ। तिनीहरूबाट नेपाली रुपियाँ 24 सय, भारतीय रुपियाँ 1 हजार अनि अमेरिकन 90 डलर, तीनवटा मोबाइल, सीम कार्डहरू, चिनियाँ भाषामा लेखिएको एउटा पुस्तकलगायत मोटरसाइकल उद्धार गरेको छ। पक्रा पर्नेहरूसहित तिनीहरूबाट उद्धार गरिएको समानहरू दार्जिलिङ जिल्लाको नक्सलबारी थानालाई सुम्पिदिएको बताइएको छ।