अवैध सम्बन्धको शंकामा लोग्नेद्वारा स्वास्नीको हत्या

सिलगढी : अवैध सम्बन्ध रहेको आशंकामा लोग्नेले स्वास्नीको हत्या गरेको घटना प्रकाशमा आएको छ। मृतक गृहिणी रेणुका खातून र आरोपी लोग्ने एमडी अन्सारुलको रूपमा चिन्हित गरिएको छ। प्राप्त जानकारी अनुसार गत 6 वर्ष अघि रेणुका र अन्सारुलको बिहे भएको थियो। तिनीहरूको सिलगढीको 43 नम्बर वार्डको दादाभाई कोलनीमा बस्दै आइरहेका छन्। हालैमा रेणुका सिलगढीको कलेजपाड़ास्थित एउटा ब्युटी पार्लरमा काम सिक्न जाने गर्दथिन्। गत 24 दिसम्बरमा रेणुका निखोज भएकोबारे परिवारका सदस्यहरूले थाना अभियोग दर्ता गरेको थियो। अभियोगको आधारमा जाँचमा जुटेका सिलगढी थाना पुलिसले गत राति रेणुकाको लोग्नेसित सोधखोज गर्दा पुलिसलाई तिनीमाथि सन्देह लाग्यो। यसपछि पुलिसले तिनीसित केरकार गर्दा एमडी अन्सारुलले स्वास्नी रेणुकाको अवैध सम्बन्ध रहेको आफूलाई शंका लागेको कुरा स्वीकारे। गत 24 दिसम्बरमा तिनले स्वास्नीलाई घुम्न लैजाने बहानामा फाँसीदेवा लगेर स्वास्नीलाई छुरीले प्रहार गरेर हत्या गरेपछि टाउको शरीरबाट अलग गरेर दुई भिन्ना-भिन्नै बोरामा हालेर क्यानलमा फ्याँकिदिएका थिए। आज बिहान आपदा प्रबन्धन टीमले क्यानलमा शवको खोजी गरिरहेको छ। अर्कोतिर, पुलिसले आरोपी लोग्नेलाई आज सिलगढी अदालतमा पेश गरेपछि पुलिस हिरासतमा लिएको छ।