आवश्यकमन्दलाई खाद्य सामग्री र न्यानो लुगाफाटा वितरण

राजगञ्ज, 30 दिसम्बर: वर्षको अन्त्यमा समाजसेवी संस्थाका सदस्यहरूले विपन्नहरूलाई खाद्य सामाग्री अनि न्यानो लुगा-फाटाहरू वितरण गरे। सोमबार, सिलगढीको समाजसेवी संस्था नवदिगन्त सांस्कृतिक र सामाजिक कल्याण संस्थाको तर्फबाट सरस्वतीपुर चिया बगानका आवश्यकमन्द महिलाहरूलाई खाद्य सामग्रीहरू अनि न्यानो लुगाफाटा वितरण गरियो।
संस्थाकी सदस्या नवनीता गुप्ताले बताए अनुसार, नवदिगन्त समाजसेवी संस्थाको तर्फबाट प्रत्येक वर्षमा दुई पल्ट दुर्गम क्षेत्र र चिया बगानहरूमा गएर विपन्नहरूलाई खाद्य सामग्री अनि लुगाफाटाहरू वितरण गरिन्छ। सोही अनुसार आज सरस्वतीपुर चिया बगानमा लगभग 80 जनालाई विभिन्न प्रकारका खाद्य सामग्रीहरू अनि जाडोमा लगाउने न्यानो लुगाफाटाहरू वितरण गरियो।