बाघडुग्रा विमानस्थलमा आइतबार नयाँ टर्मिनलको शिलान्यास गर्नेछन् प्रधानमन्त्रीले, सांसदले कार्यक्रम स्थलको गरे परिभ्रमण

सिलगढी, 19 अक्टोबर (निसं): प्रधानमन्त्री नरेन्द्र मोदीले भोली आइतबार बाघडुग्रा विमानस्थलको नयाँ टर्मिनलको शिलान्यास गर्ने भएका छन्। प्रधानमन्त्री यस शिलान्यास कार्यक्रममा भर्चुअल रूपमा उपस्थित रहनेछन्। नयाँ विमानस्थलको पुनःनिर्माणका लागि लगभग 1540 करोड रुपियाँ खर्च गरिनेछ। नयाँ अन्तर्राष्ट्रिय विमानस्थल 70,400 वर्ग मिटरमा फैलिनेछ। यस विमानस्थलमा आधुनिक सबै सेवाहरू उपलब्ध हुनेछन्। सिलगढीको कावाखाली मैदानमा भोलि आइतबार यस कार्यक्रमको आयोजना गरिनेछ। त्यहाँ प्रधानमन्त्री भर्चुअल रूपमा उपस्थित हुनेछन्। आज सांसद राजु बिष्टले कार्यक्रमस्थल सिलगढीको कावाखाली मैदानको भ्रमण गरे। उक्त कार्यक्रममा सिलगढी लगायत यसको संलग्न विभिन्न जिल्लाबाट भाजपा कार्यकर्ताहरू उपस्थित हुनेछन्। यसको साथै भाजपा सांसद अनि विधायकहरू पनि उपस्थित रहनेछन्।