बाघडुग्रा जंगली बाबा मन्दिर छेउ सडकमा अचानक हात्ती निस्केपछि बचाउने प्रयास गर्दा दुई सवारी दुर्घटना, 5 घाइते

बाघडुग्रा, 5 दिसम्बर (निसं): बाघडुग्राको जंगली बाबा मन्दिर नजिक सडकमा अचानक हात्ती निस्केपछि त्यसबाट बाँच्ने प्रयास गर्दा दुई वटा वाहन दुर्घटनाग्रस्त भएको छ। उक्त घटनामा पाँच जना घाइते भएका छन्। घटनाक्रम अनुसार, बुधबार राति जंगली बाबा मन्दिर नजिक सडकमा अचानक हात्ती निस्केपछि कुदिरहेको पिकअप भ्यान र अटो दुर्घटनाग्रस्त भयो। उक्त दुर्घटनामा पिकअप भ्यानमा सवार चार जना अनि अटोमा सवार एकजना व्यक्ति घाइते भएको बताइएको छ। घाइतेलाई तत्कालै उद्धार गरेर बाघडुग्रा अस्पताल पुऱ्याए अनि यसपछि त्यहाँबाट उत्तरबंग मेडिकल कलेजमा रेफर गरिदिएको छ।
उक्त दुर्घटनाबारे बाघडुग्रा थाना पुलिस अनि बाघडुग्रा वन विभागलाई जानकारी दिइयो। खबर पाउनसाथ पुलिस र वनकर्मीहरू तुरुन्तै घटनास्थलमा पुगे अनि पुलिसले दुवै वाहनलाई घटनास्थलबाट आफ्नो नियन्त्रणमा लिएपछि पुलिस थानामा लिएर गए। पुलिसले सम्पूर्ण घटनाको जाँच गरिरहेको छ।