बाघडुग्राको तिरहाना चियाकमानमा निःशुल्क स्वास्थ्य जाँच शिविरको आयोजना

बाघडुग्रा : गत 3 महिनादेखि बाघडुग्राको तिरहाना चियाकमान बन्द अवस्थामा रहेको छ। चियाश्रमिकहरूको स्वास्थ्यलाई ध्यानमा राखेर दार्जिलिङ जिल्ला तृणमूल कङ्ग्रेसको तर्फबाट आज निःशुल्क स्वास्थ्य जाँछ शिविरको आयोजना गरियो। उक्त शिविरमा चियाश्रमिकहरूको लागि आँखा, दाँत, सुगर लगायत अन्य विभिन्न रोगका चिकित्सकहरूले चिकित्सा प्रदान गरे। यसको साथै दिउँसोको भोजनको पनि व्यवस्था गरिएको छ। यस विषयमा जिल्ला सभानेत्री पापिया घोषले भनिन्, मुख्यमन्त्री चियाश्रमिकहरूको साथमा रहेको छ। हामी यहाँको घर-घरमा गएर चियाश्रमिकहरूको विविध समस्याहरू सुनेर त्यसको समाधान गरिरहेका छौँ। पार्टीको स्थापना दिवसमा विविध कार्यक्रमहरूको आयोजना गरिएको थियो भने आज चियाश्रमिकहरूको लागि स्वास्थ्य जाँच शिविरको आयोजना गरिएको हो।