ब्यान्ड-बाजाको साथमा श्मशान घाटमा लगियो वृद्धाको अन्तिम शव यात्रा

राजगञ्ज : राजगञ्जको माझियाली ग्राम पञ्चायत अन्तर्गत पाथरघाटा गाउँमा 111 वर्ष पुगेका एउटी वृद्धाको मृत्यु भएपछि तिनका परिवारका सदस्यहरूले आज डीजेको म्युजिकमा डान्स गर्दै वृद्धाको अन्तिम शव यात्रा श्मशानतिर लगिरहेको अनौठो दृश्य देखियो। राजगञ्जको माझियाली ग्राम पञ्चायत अन्तर्गत पाथरघाटा इलाका निवासी नृपति रायको 111 वर्षको आयुमा निधन भयो। उक्त वृद्धाको छोरा तथा नाती-नातिनी लगाएर मोठ 50 जनाको सदस्य छन्। मृतक वृद्धाको छोरा तपन रायले बताएअनुसार आमाको मृत्यु बिरामी नभएर वृद्धावस्थाको कारण भएको हो। तिनी जीवित छँदा खुसीको साथमा जीवन बिताउन मन पराउन्थिन्। यसैले तिनको मृत्युपछि आज डीजेको म्युजिकमा नाँच्दै गाउँदै आमाको पार्थिव शरीर श्मशान घाटमा लगिएको हो। परिवारका सदस्यहरू लगायत स्थानीय मानिसहरू तिनको अन्तिम यात्रामा सामेल थिए।