राजगञ्ज: बङ्गलादेशको स्वतन्त्रताको स्वर्ण जयन्तीको अवसरमा फुलबारी सीमा चेक पोस्टको जीरो पोइन्टमा बीएसएफ र बीजीबी-को संयुक्त तत्वावधानमा एउटा कार्यक्रमको आयोजना गरियो। फुलबारी सीमा चेक पोस्टको जीरो पोइन्टमा बीजीबी र बीएसएफ-ले मिठाई तथा फुलका गुच्छाहरूको साथमा एकार्कालाई अभिवादन गरेर कार्यक्रमको आरम्भ गरियो। कार्यक्रममा बङ्गलादेशका स्वतन्त्रता सेनानीहरूलाई संवर्द्धना पनि जनाइयो। बङ्गलादेशका स्वतन्त्र सेनानीहरूले बताए अनुसार भारतको सहयोग बिना बङ्ग्लादेश स्वतन्त्र हुन सक्ने थिएन। बङ्ग्लादेशको स्वतन्त्रताको लागि बीएसएफ-का धेरैजना जवानहरूले प्राणको आहुति दिएको कुरालाई पनि तिनीहरूले स्मरण गराए। नयाँ पिँढीलाई दुई देशमाझको आत्म बलिदानको इतिहासबारे अवगत गराउनको लागि नै यस कार्यक्रमको आयोजना गरिएको बताए। यस अवसरमा बीएसएफ नर्थ बेंगल फ्रन्टियरका आईजी रबी गाँधीले भने, भारत र बङ्ग्लादेशमाझको सम्बन्ध प्रगाढ रहिआएको छ। बङ्गलादेश स्वतन्त्रताको स्वर्ण जयन्तीको अवसरमा आज उक्त युद्धमा सहिद भएका जवानहरूको स्मृतिमा संयुक्त सांस्कृतिक कार्यक्रमको आयोजना गरिएको हो।