वर्तमान नगरनिगम बोर्डविरुद्ध विविध आरोप लगाउँदै वामफ्रन्ट-द्वारा जनसम्पर्क अभियान

सिलगढी : तृणमूल परिचालित सिलगढी नगरनिगम बोर्डले सहरवासीको समस्या समाधान गर्न असमर्थ रहेको आरोप लगाउँदै आज 2 नम्बर वामफ्रन्ट एरिया कमिटीको तर्फबाट जनसम्पर्क अभियानको आयोजना गर्यो। यस अवधि पूर्व काउन्सिलर तथा वाम शीर्ष नेता अशोक भट्टाचार्यले आज सिलगढी नगरनिगमको 6 नम्बर वार्डका मानिसहरूलाई लिफलेट वितरण गरे। सिलगढी सहरमा जल निकासी व्यवस्था राम्रो नभएको, पिउने पानीको समस्या लगायत वर्तमान नगरनिगम बोर्डविरुद्ध विविध आरोप लगाउँदै 2 नम्बर वामफ्रन्ट एरिया कमिटीको तर्फबाट जनसम्पर्क अभियानको आयोजना गरिएको हो। यस अवधि वाम नेताहरूले साधारण मानिसहरूसित कुराकानी गरे। आगामी 21 जनवरीमा तृणमूल परिचालित नगरनिगम बोर्ड व्यर्थ रहेको आरोप लगाउँदै वामफ्रन्टले महात्मा गाँधी चोकबाट हासमी चोकसम्म एउटा र्‍याली निकालिइने भएको छ। यसपछि हासमी चोकमा वामफ्रन्टले धरना प्रदर्शन गर्ने अशोक भट्टाचार्यले बताए।