बिहानै घरमा चोरी, नगदसहित सुनका गहनाहरू चोरी गरेर चम्पट कसे बदमाश

सिलगढी, 23 अक्टोबर (निसं): सिलगढी संलग्न भोलामोर जामुरीभिटा क्षेत्रमा आज बिहानै चोरीको घटनाले सनसनी मच्चिएको छ। प्राप्त जानकारी अनुसार, बुधबार बिहान लगभग 8 बजे घरको मालिकनी गेटमा ताला लगाएर बजार गएकी थिइन्। जब उनी बजारबाट घर फर्कीए, तब उनलाई घरमा चोरी भएको कुरा थाहा लाग्यो। बदमाशहरूले नगदसहित लाखौं रुपियाँका सुनका गर-गहनाहरू चोरेर चम्पट कसेका छन्। उक्त घटना पछि पुलिसलाई जानकारी गराए पछि एनजेपी थानाका पुलिस घटनास्थलमा पुगेर सम्पूर्ण घटनाको जाँचमा जुटेका छन्।