बिहारमा तस्करी गर्न अगावै धेरै मात्रामा देशी-विदेशी रम जफत, एक जना पक्राउ

सिलगढी, 7 फरवरी: बिहारमा रम-रक्सी प्रतिबन्ध भएपछि निरन्तर रूपमा सिलगढीको बाटो भएर रम-रक्सी तस्करीको योजना तयार पारिरहेको छ। आज फेरि यात्रुको भेषमा सिलगढीबाट बिहारमा रम-बियर तस्करी गर्ने योजना बनाइएको थियो, तर यसको खबर पाएपछि प्रधाननगर थाना पुलिसले गोप्य सूचनाको आधारमा अभियान चलायो अनि एकजना रम-बियर तस्करलाई पक्राउ गरेको छ। पक्रा परेका व्यक्तिको नाम दिनेश पाण्डित हो। उनी बिहारको हाजीपुर निवासी हुन्। पुलिसले जानकारी दिए अनुसार, दिनेश पाण्डितले आफ्नो ब्याग भित्र लुकाएर सिक्किमको देशी-विदेशी रम-बियरका बोतलहरू राखेका थिए। आज आरोपीलाई सिलगढी अदालतमा पेश गरिएको छ। प्रधाननगर थाना पुलिसले यस घटनाको जाँच गरिरहेको छ।