भागोप्रमो टुंग सन्त मेरिज समष्टिका प्रार्थी नुरी शेर्पालाई चालकहरूको समर्थन

खरसाङ (निसं) : भारतीय गोर्खा प्रजातान्त्रिक मोर्चा टुङ्ग सन्तमेरिज समष्टिका उम्मेद्वार नुरी शेर्पालाई‌ सन्तमेरिज लोक्कल मारूती भेन सेन्टिगेटले पूर्ण समर्थन जनाउँदै आफ्नो परिवारको बहुमूल्य भोट दिएर विजय गराउने वचन दिएको छ। यस विषयमा सेन्टिगेटका सभापति इग्नेस लामा अनि अजय शेर्पाले अनित थापाको पहाडप्रतिको भिजनलाई, तिनले देखेको सपनालाई हामी सबै मिलेर साकार पार्नुपर्छ भनी ‌सबैसित आह्वान् गरेका छन्। भारतीय गोर्खा प्रजातान्त्रिक मोर्चा टुङ्ग सन्तमेरिज समष्टिका प्रार्थी नुरी शेर्पा एकजना असल व्यक्ति भएकोले हामी सबै मिलेर समष्टिको उम्मेद्वार नुरी शेर्पालाई साथ दिने आह्वान् गर्दै आफूहरूले नुरी शेर्पालाई सहयोग गर्ने निर्णय लिएकोले तिनीहरूले बताए। यस अवसरमा प्रार्थी नुरी शेर्पाले सेन्टिगेटका ड्राइभर दाजु भाइहरूले भोग्दै आइरहेको समस्याहरूको समाधान पनि विस्तारै हुने आवश्वासन दिएका छन्। उक्त भेटघाट कार्यक्रममा समष्टिका चुनाउ को-अर्डिनेटर दिपेश तामाङ, युवा शक्ति सभापति उग्रेन घिसिङ, विशाल भुजेल, संजय थापा, जोनल तथा प्रचार प्रसार सचिव सभापति बसन्त कुलुङ राई उपस्थित थिए।