भाग्यको खेल: टिकट हराएर निराश, तर केही घन्टापछि टिकट पाएर फूलबारीका जतिन बर्मन बने करोडपति

फुलबारी, 30 मई: फूलबारी 2 नम्बर ग्राम पञ्चायत अन्तर्गत राजीव पाडा क्यानल मोड क्षेत्रमा बसोबास गर्ने जतिन बर्मनले केवल 90 रुपियाँमा किनेको लटरी टिकटबाट 1 करोड रुपियाँको पुरस्कार जितेका छन्। लामो समयदेखि उनी अरूको घरमा भान्साको काम गरेर जीविका चलाउँदै आइरहेका थिए।
गत 27 मईमा उनले घर नजिकैको एउटा लटरी काउन्टरबाट 90 रुपियाँको टिकट किनेका थिए। साँझपख जब परिणाम सार्वजनिक भयो, उनलाई आफ्नो टिकटले पहिलो पुरस्कार 1 करोड रुपियाँ जितेको कुरा थाहा पाए।
तर यो खुसी लामो समय टिक्न पाएन। बिहीबार जतिन त्यो मूल्यवान टिकट लिएर न्यू जलपाइगुड़ी थाना जाँदै गर्दा बाटोमै त्यो टिकट कतै खसाएर हराए। टिकट हराएपछि उनी अत्यन्तै निराश भए र रोइरहेका थिए। त्यसपछि उनले धेरै ठाउँमा खोजी गर्न थाले।
अन्ततः केही घण्टापछि उनका एकजना साथीले घर नजिकैको सडक छेउमा त्यो टिकट भेट्टाए। त्यसपछि उनी ढिलो नगरी सो टिकट लिएर सिधै न्यू जलपाइगढी थानामा पुगे।
हाल जतिनको परिवारमा खुसीको माहोल छ। जतिन भन्छन्, “यति ठूलो खुशी आउँछ भन्ने सोचेकै थिइनँ। जीवनभर धेरै दुःख गरें, आज लाग्छ भगवानले त्यसको पुरस्कार दिनुभयो।”