भाजपा बङ्गाल विभाजनको पक्षमा छैन : रथिन्द्र बोस

बङ्गाल विभाजनलाई लिएर हाल भाजपा अनि तृणमूल कङ्ग्रेसमाझ देखापरेको वाद विवादबीच आज यसको पूर्ण विराम लगाउँदै बङ्गाल विभाजनको पक्षमा भाजपा नरहेको पार्टीका राज्य महासचिव रथिन्द्र बोसले दावी गरे। सिलगढीको सांगठनिक जिल्ला कार्यालयमा आज एउटा पत्रकार सम्मेलनको आयोजना गरेर पत्रकारहरूलाई सम्बोधन गर्दै भाजपाका राज्य महासचिव रथिन्द्र बोसले भाजपा बंगालको विभाजनको पक्षमा नरहेको स्पष्ट रूपमा बताए। पत्रकारहरूलाई सम्बोधन गर्दै तिनले भने,  भाजपा बङ्गाल विभाजनको पक्षमा छैन तर हाल उत्तर बङ्गालका अधिकांश मानिसहरू बङ्गालदेखि अलग हुन चहेकोले गर्दा नै भाजपाका विधायक तथा सांसदले यस मामिलाबारे आफ्नो मन्तव्य पोखेका हुन्। तथापि, यस विषयलाई लिएर पार्टीमा कुनै चर्चा नभएको तिनले बताए।