भाजपाले एकतन्त्रीय शासन व्यवस्था स्थापित गर्न चाहन्छ : समन पाठक

मिरिक : मार्क्सवादी कम्युनिष्ट पार्टी (माकपा)-ले पनि विधानसभा चुनाउको लागि आफ्ना प्रार्थीको समर्थनमा लगातार प्रचार गरिरहेको छ। पूर्व राज्यसभा सांसद तथा माकपाका अग्रिम पङ्क्तिका मजदुर नेता समन पाठकले पार्टीलाई पहाडका श्रमिक मजदुरहरूमाथि पूर्ण विश्वास रहेको बताए। यस अवधि तिनले भने, हामी गरिब मजदुरहरूको निम्ति काम गर्छौँ, तिनीहरूको अधिकारको लागि बोल्ने काम गर्छौ। हामी छलकपट गर्दैनौँ। हामीलाई साथ दियोस् अथवा नदियोस् हामी श्रमिक मजदुरहरूको निम्ति निरन्तर बोलिरहेकै हुन्छौं। अन्याय र अत्याचार विरुद्ध हाम्रो आवाज बुलन्द भइरहने छ। तिनले अझ भने, भाजपा तानाशाही दल हो। भाजपाले एकतन्त्रीय शासन व्यवस्था स्थापित गर्न चाहन्छ। विपक्ष नै निमिट्यान्न बनाउने खेलमा लागिपरेको छ। अर्कोतिर, तृणमूल कङ्ग्रेस छ। जसले आफ्नै हुकुमत गर्छ भन्दै तिनले अब राज्यमा फेरि गरिबहरूको दल स्थापित गर्न कम्युनिष्ट शासन शुरू गरिनुपर्छ। जसले राज्यवासी अनि पहाड तराईवासी आफैको शासन स्थापित हुनेछ भनी तिनले बताए। भोलि बिहिबार सीपीआईएम-का उम्मेद्वारले 24 खरसाङ विधानसभा क्षेत्रको लागि नामाङ्कन पत्र बुझाउने अनि  दिउँसो 12 बजी टुरिस्ट लजबाट एउटा र्‍याली निकाल्ने छ भने दिउँसो 1 बजीदेखि खरसाङ मोटर स्ट्याण्डमा खुला सभाको आयोजना गर्ने तिनले जानकारी गराए।