भाजपा प्रार्थी शङ्कर घोषले गरे सिलगढीको 8 नम्बर वार्डमा चुनाउ प्रचार

सिलगढी : सिलगढी विधानसभा आसनका भाजपा प्रार्थी शङ्कर घोषले आज बिहानदेखि सिलगढी नगरनिगमको 8 नम्बर वार्डमा चुनाउ प्रचार प्रसार गरे। चुनाउ प्रचार गर्न अघि शङ्कर घोषले पार्टीका कार्यकर्ताहरूसित चिया चर्चा कार्यक्रमा अंश ग्रहण गरे। यसपछि तिनी पार्टीका कार्यकर्ता तथा समर्थकहरूको साथमा सिलगढी नगरनिगमको 8 नम्बर वार्डको विभिन्न इलाकामा पुगेर चुनाउ प्रसार गर्नको साथै स्थानीय मानिसहरूसित कुराकानी पनि गरे। यस अवधि तिनी उक्त वार्डको घर-घरमा पुगेर चुनाउ प्रचार गर्नको साथै इलाकावासीहरू विविध समस्याहरू सुने। यसको साथै तिनले सडकमा हिँड्डुल गर्ने मानिसहरूलाई तिनले पर्चाहरू बाँडे। साधारण मानिसहरूबाट आफूले राम्रो प्रतिक्रिया प्राप्त गरेको जानकारी दिनको साथै भाजपाले राज्य विधानसभा र आउँदो सिलगढी नगरनिगम चुनाउमा पनि जीत हासिल गर्ने तिनले दावी गरे। यदि केन्द्र, राज्य अनि सिलगढी नगरनिगममा भाजपाको अधीनमा रह्‍यो भने सिलगढी सहरको चौतर्फी विकास भएर जाने तिनले बताए।