भारत-नेपालको दोहोरो नागरिकता राखेको आरोपमा एकजना युवक पक्राउ

खोरीबारी: एसएसबी-को 41औं बटालियन पानीट्याङ्की बीओपी-का जवानहरूले दोहोरो नागरिकताको आरोपमा नेपालबाट आएका एकजना व्यक्तिलाई पक्राउ गरेको छ। पक्रा पर्ने व्यक्ति राहुल कटुवाल (35) को रूपमा चिन्हित गरिएको छ। प्राप्त जानकारी अनुसार भारत-नेपाल सीमा पानी ट्याङ्कीमा एसएसबी बीआईटी कर्मीहरूले नेपालबाट आएका राहुल कटुवाललाई छानबिन गर्दा भारतीय आधार कार्ड, ड्राइभिङ लाइसेन्स आदि सहित नेपालको नागरिकता पनि उद्धार गरेको छ। भारतीय अनि नेपाल दुवैको नागरिकता राखेको आरोपमा यसपछि तिनलाई पक्राउ गरेर आवश्यक कार्वाही गरेपछि खोरीबारी पुलिस थानालाई सुम्पिदिएको बताइएको छ। खोरीबारी थानामा मामिला दर्ता गरेर पुलिसले अग्रिम कार्वाही शुरू गरेको छ।