भावनाको राजनीतिदेखि माथि उठेर यथार्थको राजनीति गर्नेछु: अनित थापा

गोर्खा जनमुक्ति मोर्चा केन्द्रीय समिति महासचिव तथा जीटीए चेयरम्यान अनित थापाको विशेष उपस्थितिमा बिजनबारीको रेलिङ कैजले समष्टिका सम्पूर्ण प्रतिनिधिहरुलाई लिएर सांगठानिक सभा सम्पन्न भयो। उक्त सभालाई सम्बोधन गर्दै पार्टी महासचिव अनित थापाले गाली र आरोप-प्रत्यारोपको राजनीतिबाट टाढा रहेर दललाई सही दिशामा नेतृत्व गर्दै जनहितमा उभिने सबै दलीय प्रतिनिधिहरूलाई आह्वान गरे। अबको राजनीति भावनाको होइन तर यथार्थको हुनुपर्छ भन्दै तिनले पहाडको लागि उपलब्धीमूलक कार्यहरूमा अघि बढ्ने जोड दिए। दलको क्षेत्रीय प्रतिनिधिहरूले क्षेत्रमा रहेका विभिन्न समस्याहरूलाई लिएर समाधानको पक्षमा कार्य गर्नुपर्ने बताउँदै थापाले  भेदभाव र अशान्तिको राजनीति नगर्ने सबैसित अपील गरे। स्मरण रहोस्, गोजमुमो केन्द्रीय समिति महासचिव अनित थापा अहिले दुई दिवसीय भ्रमणमा रेलिङ कैजले क्षेत्रमा आइपुगेका छन्।