विविध मागलाई लिएर बंगीय प्राथमिक शिक्षक समितिद्वारा विरोध प्रदर्शन 

सिलगढी : बङ्गीय प्राथमिक शिक्षक समितिले शिक्षक दिवसको अवसरमा सबै सरकारी कार्यक्रमहरू वहिष्कार गरेर केही मागहरूलाई लिएर विरोध प्रदर्शन गर्यो। प्राप्त जानकारी अनुसार राष्ट्रिय शिक्षा नीति 2020 रद्द गरिनुपर्ने, विद्यार्थीहरू कम्ती भएको बहानामा 8,207 स्कुलहरू बन्द गर्ने षड्यन्त्र गरिरहेको, कक्षाको आधारमा शिक्षक-शिक्षिका नियुक्ति गरिनुपर्ने, शिक्षकहरूप्रति अभद्र व्यवहार बन्द गर्नुपर्ने लगायत विविध मागलाई लिएर बङ्गीय प्राथमिक शिक्षक समितिले आज बाघाजतिन पार्कअघि धरना प्रदर्शन गरेको बताइएको छ। उक्त धरना प्रदर्शनको माध्यमद्वारा संगठनका सदस्यहरूले आफ्नो मागहरू उठाए।