बिजनबारी बजारमा कोरोनाबारे माइकिङ गरेर जारूकता

बिजनबारी : कोरोना जस्तो प्राणघातक महामारीबाट बाँच्न तथा यसको रोकथाम गर्नको लागि मानिसहरू जागरुक हुनुपर्ने सन्देश दिँदै आज बिजनबारीको बुधबारे हाटमा पुलबजार थानाले माइकिङद्वारा जनचेतना कार्यक्रमको आयोजना गऱ्यो।   जनसाधारणलाई कुनै पनि काम बिनै बजारमा भीड़ नलगाइदिने, यदि जरूरी तथा आवश्यक काम परे मास्क लगाएर घरबाट निस्किने अनि सामजिक दुरीलाई ध्यानमा राखिदिने, सेनिटाइजरको उपयोग गरिदिने पुलिस प्रशासनले अनुरोध गरे। यसको साथै पुलिस प्रशासनले दोकानदारहरूलाई पनि कोरोना सम्बन्धी सरकारले जारी गरेको नियमलाई पालन गरिदिने अपील गरेको छ। अर्कोतिर, कोरोना सम्बन्धी सरकारद्वारा निर्देशित कुराहरूलाई पालन नगर्ने मानिसहरूलाई प्रशासनले कार्वाही गरिने चेतावनी पनि पुलिस प्रशासनले दिएको छ। यस अवसरमा पुलिस प्रशासनको तर्फबाट मास्क पनि वितरण गरियो ।