बिजनबारी भेगका दुध संग्रहकर्ताको सभा सम्पन्न

बिजनबारी : पुल बिजनबारीको विभिन्न स्थानका दुध उत्पादकहरु कोरोना संक्रमणले गर्दा सिक्किम बन्द भएपछि समस्यामा परेका छन्। यसैले यसको समाधान गर्न आज क्षेत्रका दुध सङ्ग्रहकर्ताहरुको कैंजलेमा एउटा सभा बस्यो। सभामा दुध उत्पादकहरुलाई कसरी न्याय दिनसक्ने बारेमा व्यापक रूपमा चर्चा-परिचर्चा गरेको बताइएको छ। विशेष गरेर यस क्षेत्रका सबै दुध सङ्ग्रहकर्ताहरुको एउटा झुण्ड बनाएर तिनीहरुको देखरेखमा एउटा निजी दूध सङ्ग्रह केन्द्र खुल्ने योजना बनाएको सभापछि देवाशीष गुरुङले जनाए। तिनले सबै गौपालक कृषक तथा दुध सङ्ग्रहकर्ताहरुलाई यसको लागि अघि आइदिने अपील गरेका छन्। अर्कोतिर, गौपालक कृषकहरुको समस्यालाई समाधान गर्न अब चाँडै पुन: एउटा सभा बसिने भएको छ भने उक्त सभामा सबैलाई उपस्थिति भइदिने बिरेन्द्र प्रधानले आह्वान गरेका छन्। सभामा कुमार गुरुङ, बिजय छेत्री, सचिन प्रधानलगायत अन्य गौपालकहरू उपस्थित थिए।