बिजनबारी फुटबल टोली रेलिङ च्याम्पियन ट्रफी प्रतियोगिताको फाइनलमा

बिजनबारी : रेलिङ च्याम्पियन ट्रफी फुटबल प्रतियोगिताको सेमिफाइनल खेलमा बिजनबारी फुटबल टोलीले विपक्षी टोलीलाई  पराजित गरेर फाइनलमा प्रवेश गरेको छ। यहाँको रेलिङ ग्राम पञ्चायत सचिव प्रभात सेवाको मुख्य अतिथ्यमा सम्पन्न सेमिफाइनल खेलमा रेड पाण्डा नाम्ची सिक्किमलाई पराजित गरेर बिजनबारी टोली फाइनलमा पुगेको छ। निर्धारित समयसम्म दुवै टोलीले बराबरी गोल गरेपछि खेलाइएको अतिरिक्त समयमा छिऱ्याएको दर्शनीय गोलको सहायताले  3 को विरूद्ध 4 गोल गरेर बीएफसी बिजनबारी फाइनलमा प्रवेश गरेको छ। खेलमा म्यान अफ द म्याच आदर्श तामाङ बीएफसी बिजनबारीका खेलाडीलाई घोषित गरियो। अब फाइनल खेल आगामी 26 जनवरीको दिन कुमार स्पोर्टिङ्ग क्लब गान्तोकसित विजयी टोली बीएफसी बिजनबारीको जम्काभेट हुने निश्चित भएको छ। प्रतियोगिताको विजयी दललाई नगद पुरस्कार 2 लाखसहित उत्कृष्ट ट्रफी अनि पराजय टोलीलाई एक लाखसहित ट्रफी प्रदान गरिने छ।