बिमल गुरूङको नेतृत्वमा दार्जिलिङको रेलवे स्टेसन लगायत अन्य ठाउँहरूमा सेनिटाइज

दार्जिलिङ: गोर्खा जनमुक्ति मोर्चाका संस्थापक अध्यक्ष बिमल गुरुङको पहलमा दार्जिलिङको विभिन्न ठाउँहरूमा सेनिटाइज गर्ने कार्य जारी रहेको छ। यसै क्रममा आज तिनको उपस्थितिमा दार्जिलिङ रेलवे स्टेसन लगायत वरिपरिको ठाउँहरूमा सेनिटाइज गरियो। यसबाहेक यहाँ भएर आवतजावत गरिरहेका वाहनहरूलाई पनि सेनिटाइज गरियो। बिमल गुरूङले उक्त विषयमा जानकारी दिँदै हाल कोरोनाको महामारीले गर्दा दार्जिलिङ पहाडभरिका कोरोना संक्रमित सबै क्षेत्रहरूमा गएर सेनिटाइज गरिने कार्य भइरहेको छ। यसको साथै मानिसहरूलाई मास्क पनि वितरण गरिरहेको छ। कोरोनाको बढ्दो प्रकोपलाई रोकथाम गर्नको लागि राजनीतिलाई नहेरर मानवताको हिसाबले अघि आउनुपर्ने सबैलाई तिनले आहवान गरे।