बिमलपन्थी गोजमुमोको तीनधारेमा चुनावी सभा सम्पन्न

खरसाङ: बिमलपन्थी गोजमुमो तीनधारे खण्ड समितिको चुनावी सभा युवा मोर्चाका केन्द्रीय सदस्य योगराज प्रधानको अध्यक्षतामा आज तीनधारेमा सम्पन्न भयो। सभालाई तीनधारे खण्ड समितिका सचिव अजय विश्वकर्माले सञ्चालन गरेका थिए भने सभालाई योगराज प्रधान लगायत गोजमुमो तीनधारे-महानदी समष्टिका कन्भेनर सुरेशचन्द्र दर्नाल, खण्ड समितिका मुख्य सल्लाहकार वाणी सुन्दास, समाजसेवी दीपक प्रधान, संजोग राई, तिलक थापा आदिले वक्तव्य राखेका थिए। वक्ताहरूले आगामी विधान सभा चुनाउ विषयमा चर्चा गर्दै चुनाउको तयारी विषयमा बताए। सभामा घैयाबारी युवा मोर्चाका सचिव सन्दीप प्रधान, सह सचिव रञ्जित तामाङ, छेडुप लामा लगायत अन्यहरू उपस्थित थिए।