सिलगढी : प्रधानमन्त्री आवास योजनाको सर्वे अवधि आशा कर्मीहरूलाई धम्की दिइरहेको आरोप लगाउँदै आशा कर्मीहरूले आज क्षोभ प्रकट गर्दै महकुमाशासकलाई एउटा ज्ञापन पत्र पनि चढाए। पश्चिमबंग आशा कर्मी युनियनको दार्जिलिङ जिल्ला कमिटीका सदस्यहरूले आज सिलगढीको बाघाजतिन पार्कबाट एउटा विरोध र्याली निकालेर महकुमाशासकको कार्यालय अघि पुगेर समापन गरियो। यसपछि महकुमाशासकसित भेट गरेर एउटा ज्ञापन पत्र पनि चढाए। यस सम्बन्धमा आशा कर्मीहरूले भने, लामो समयदेखि आफूहरूले स्वास्थ्य सेवा प्रदान गर्दै आइरहेका छौँ। गत 11 नोभेम्बरमा सरकारले आफूहरूलाई प्रधानमन्त्री आवास योजनामा पनि काम गर्ने आदेश दिएपछि प्रधानमन्त्री आवास योजनाको सर्वेको काम शुरू गरेका छौँ। तर सर्वे अवधि आफूहरूलाई राजनीतिक रूपमा धम्की दिइरहेको छ। यसैले उक्त आदेशलाई चाँडोभन्दा चाँडो रद्द गर्ने मागमा आज आफूहरूले आन्दोलन गरेका हौँ। यदि आफूहरूको माग पुरा नभएको खण्डमा नोकरी समेत छोड्ने आन्दोलनकारीहरूले चेताउनी दिएका छन्।