ब्राउन सुगर सहित युवक पक्राउ

खोरीबारी : खोरीबारीको भारत-नेपाल सिमानाको पानीट्याङ्की न्यु मार्केट इलाकाबाट ब्राउन सुगर सहित एकजना युवकलाई पक्राउ गरेपछि आज सिलगढी अदालतमा पेश गर्यो। पक्रा परेका युवक मन्जयजोत निवासी 23 वर्षीय रबेन बर्मनको रूपमा चिन्हित गरिएको छ। प्राप्त जानकारी अनुसार एसएसबी 41 नम्बर बटालियनका जवानहरूले गोप्य सूचनाको आधारमा खोरीबारीको पानीट्याङ्कीमा अभियान चलाएर एकजना युवकलाई रोकेर छानबीन गर्दा 52 ग्राम ब्राउन सुगर उद्धार गरेको बताइएको छ। उद्धार गरेको ब्राउन सुगरको अनुमानित बजार मूल्य लाखौँ रुपियाँ रहेको छ। एसएसबीले पक्राउ गरेको युवकलाई खोरीबारी थानालाई सुम्पिदिएको छ। पुलिसले घटनाको जाँच शुरू गरेको छ।