चितुवाको हमलामा चिया श्रमिक घाइते

अलीपुरद्वार, 14 नोभेम्बर (निसं): चितुवाको हमलामा एकजना चिया श्रमिक घाइते भएको छ। यो घटना बिहीबार कालचिनी ब्लकको भातखावा चिया बगानमा घटेको हो।
आज बिहान, बगानको सेक्शन नम्बर 11 बी-मा चितुवाले एकजना श्रमिकमाथि आक्रमण गर्यो। घटनापछि श्रमिकले चिच्याएको आवाज सुनेर वरपरका मानिसहरू भेला भएपछि घटनास्थलबाट चितुवा भागेर जंगलतर्फ लाग्यो। यसपछि घाइते श्रमिकलाई उद्धार गरेर लताबाडी ग्रामीण अस्पताल पुऱ्याइयो। हाल घाइते श्रमिकको अस्पतालमा उपचार चलिरहेको छ।