चोरी गरेको टोटो सहित 2 जना पक्राउ

सिलगढी (निसं): भक्ति नगर थाना पुलिसले सिलगढी नगरनिगमको 40 नम्बर वार्डको सुभाष नगर इलाकाबाट टोटो चोरी गरेको आरोपमा 2 जना व्यक्तिलाई पक्राउ गरेको छ। पक्रा परेकाहरूमा सुमन पाल र प्रसनजीत साहा सामेल छन्। तिनीहरू दुवै 40 नम्बर वार्ड निवासी हुन्। प्राप्त जानकारी अनुसार गत 27 सेप्टेम्बर राति रात 40 नम्बर वार्डको सुभाष नगर इलाकाको एउटा घरअघिबाट टोटो चोरी भएपछि टोटो मालिकले यसबारे भक्ति नगर थानामा अभियोग दर्ता गरेका थिए। अभियोगको आधारमा जाँचमा जुटेका पुलिसले चोरी भएको 24 घण्टाको अवधिमै टोटो चोरी गरेको आरोपमा सुमन पाल नाम गरेका एकजना व्यक्तिलाई पक्राउ गरेको छ। पुलिसले सुमनसित सोधखोज गरेपछि इस्टर्न बाइपासबाट टोरी भएको टोटो पनि उद्धार गरेको छ। अर्कोतिर, चोरी गरेको ब्याट्री किनेको आरोपमा पुलिसले प्रसनजीत साहालाई पनि पक्राउ गरेको छ। आरोपीबाट पुलिसले चोरी गरेको 4 वटा ब्याट्री पनि उद्धार गरेको छ।