कोरोनाकालमा उठाएको रिलिफ फण्ड दशैं अघि चिया श्रमिकहरूलाई वितरण गरिनुपर्छ: भाजपा नेता पेम्बा रिम्पोर्छे

खरसाङ (निसं): 5 डेसिमल जमीनको पर्जा पट्टाको कुरा जनताले बुझिसके र यो लिनु नलिनु जनताले आफै निर्णय लिइन्छ र यसको कुरा अब बन्द गरौं भनी बौद्ध धर्मगुरु एवं भाजपा नेता पेम्बा रिम्पोर्छेले बताएका छन्। तिनले अब दशैं आउन लागेकोले चियाबारी श्रमिकहरूका लागि 20 प्रतिशत बोनस दिलाउन पहल गर्नुपर्छ भनी बताएका छन्। तिनले चिया श्रमिकहरूका लागि 20 प्रतिशत बोनस दिलाउन सबै राजनैतिक दलहरू एकबद्ध भएर आवाज उठाउनुपर्छ भनी बताएका छन्। पेम्बा रिम्पोर्छेले भागोप्रमो अध्यक्ष अनित थापाप्रति कटाक्ष गर्दै भने, कोरोनाकालमा सङ्ग्रह गरिएको रिलिफ फण्ड 2 करोड़ 12 लाख 36 हजार श्रमिकहरूलाई दशैं अघि चियाबारी श्रमिकहरूलाई वितरण गरिनुपर्छ भन्ने हाम्रो माग छ। भागोप्रमोलाई चियाबारी श्रमिकहरूले भोट दिएर जिताएको छ र अब श्रमिकहरूका लागि काम गर्ने पालो आएको तिनले बताए।