कोरोना सम्बन्धित सेवाहरू पुनः शुरू गर्ने मागमा ज्ञापन

सिलगढी : देशको विभिन्न ठाउँहरूमा झैँ यता सिलगढीमा पनि कोरोना भाइरसको दोस्रो लहरले मानिसहरू संक्रमित भइरहेका छन्। यस्तो परिस्थितिमा अभिभावकविहीन रहेको सिलगढी नगरनिगमले यसलाई लिएर कुनै पाइला नचालेको बताइएको छ। यसैले कोरोना सम्बन्धित सबै सेवाहरू चाँडै शुरू गरिनुपर्ने माग गर्दै सीपीएम-को एनजेपी एरिया कमिटीले नगरनिगमको 4 नम्बर बोरो कार्यालयमा एउटा ज्ञापन पत्र चढायो। संगठनका सचिव पुलक सेनगुप्तको नेतृत्वमा आज एउटा प्रतिनिधिमण्डलले बोरो अधिकारीसित भेट गरेर ज्ञापन पत्र चढाएको बताइएको छ।