सिलगढी : सिलगढीको सालगढास्थित पर्यटन स्थल बंगाल सफारी पार्कलाई आगामी 31 अक्टोबरसम्मको लागि फेरि बन्द गरिदिएको छ। कोभिड 19-लाई ध्यानमा राखेर पार्क प्रबन्धन पक्षले उक्त निर्णय लिएको बताइएको छ। हाल बंगाल सफारी पार्कलाई सेनिटाइज गरिने कार्य युद्ध स्तरमा चलिरहेको छ भने पार्कमा काम गर्ने सबै कर्मचारीहरूको कोरोना टेस्ट पनि गरिएको बताइएको छ।
स्मरण रहोस, गत 2 अक्टोबरदेखि बंगाल सफारी पार्क पर्यटकहरूको निम्ति खोलिदिएको थियो भने घुम्न आउनेहरूको सुरक्षालाई ध्यानमा राखेर पार्क प्रबन्धनले केही महत्वपूर्ण व्यवस्था अप्नाइएको थियो। तर फेरि सफारी पार्कमा रहेका पशु पक्षीहरू साथै घुम्न आउने पर्यटकहरूको सुरक्षालाई ध्यानमा राखेर 31 अक्टोबरसम्म बन्द गरिदिएको छ।