सीपीआई(एमएल) लिबरेसन-द्वारा केन्द्र सरकारको बजटको विरोधमा प्रदर्शनी

सिलगढी : केन्द्र सरकारको जनविरोधी बजटको विरोध गर्दै आज सीपीआई(एमएल) लिबरेसन सडकमा ओर्लिएको छ। उक्त संगठनका सदस्यहरूले आज साँझ सिलगढीको बाघाजतीन पार्कबाट एउटा र्‍याली निकालेर विभिन्न पथहरूको परिक्रमा गरेपछि अन्तमा हासमीचोक पुगेर धरना प्रदर्शन गरे। यस अवधि तिनीहरूले केन्द्र सरकारविरुद्ध विभिन्न नाराबाजी लगाए। यस अवसरमा संगठनका सदस्यहरूले चाँडै कृषक बील रद्द गरिनुपर्ने साथै आन्दोलनरत कृषकहरूमाथि लगाइएको झुटो मामिलाहरू फिर्ता लिनुपर्ने माग गरे।