सीपीएम प्रार्थीलाई नामाङ्कन पत्र बुझाउन नदिएको तृणमूल विरुद्ध आरोप, उत्तेजनाको माहौल

राजगञ्ज : सीपीएम प्रार्थीलाई नामाङ्कन पत्र बुझाउनमा बाधा दिएको सत्तारूढ पार्टी विरुद्ध अभियोग उठेको छ। नामाङ्कन पत्र बुझाउने अन्तिम दिन आज राजगञ्जको बीडीओ कार्यालयमा उत्तेजनाको माहौल देखापर्यो। सीपीएम-को आरोप अनुसार राजगञ्जको सुखानी अञ्चलको सुभाषपल्लीको स्थानीय सीपीएमका मनोनित प्रार्थी रीना दास डीसीआर काटेर नामाङ्कन पत्र बुझाउन जाने क्रममा तृणमूलका केही मानिसहरूले बाँधा दिनको साथै नामाङ्कन पत्र समेत खोसेर लगे। यसपछि राजगञ्ज बीडीओ अफिस अघि पुलिक अघि यस विषयलाई लिएर सीपीएमको अञ्चल कमिटीका सदस्यहरूले आवाज उठाए। यसले गर्दा उत्तेजनाको माहौल देखापर्यो। यस विषयमा राजगञ्जका विधायक खगेश्वर रायले भने, विपक्षीहरूले गलत प्रचार गरिरहेको छ। जनताले भोट दिँदैन। जलपाईगढी जिल्ला, राजगञ्ज ब्लकमा तृणमूल कङ्ग्रेसले कतै पनि दादागिरी देखाउँदैन। यस वर्ष 2023 –को पञ्चायत चुनाउमा जलपाईगढीका मानिसहरूले कुनै समस्या बिनै मतदान गर्नेछन्।