दादागिरी ट्याक्स नदिएपछि चालकलाई कुटपिट साथै वाहन तोडफोड, 2 जना पक्राउ

सिलगढी, 5 फरवरी: दादागिरी ट्याक्स नदिएपछि चालकलाई कुटपिट गर्नका साथै वाहन तोडफोड गरेको आरोपमा 2 जनालाई पक्राउ गरिएको छ। यो घटना सिलगढीको प्रधाननगर थाना अन्तर्गत देवीडांगा क्षेत्रको हो।
जानकारी अनुसार, देवीडांगा क्षेत्रमा केही समयदेखि दादागिरी ट्याक्सको नाममा चालकलाई धेरै समस्यामा पारिरहेको थियो। यसको विरोध गर्दा वाहनमा तोडफोड गर्नका साथै चालकलाई कुटाइ पनि गरिन्थ्यो। आज बिहान एउटा वाहनलाई रोकेर दादागिरी ट्याक्स उठाउने प्रयास गर्दा एकजना चालकले दादागिरी ट्याक्स दिन अस्वीकार गरे। यसपछि चालकलाई कुटपिट गर्नको साथै उनको वाहन पनि तोडफोड गरिदिए ।
उक्त घटनाको पछि चालकले प्रधान नगर थानामा अभियोग दर्ता गरे। उक्त अभियोगको आधारमा पुलिसले जाँच गर्दै यस मामिलामा 2 जनालाई पक्राउ गरेको छ। आरोपीहरूको नाम जितेन प्रसाद र शेखर झा हो। पुलिस सूत्र अनुसार जितेन प्रसाद यसअघि पनि केही पटक कुटपिट र अन्य आपराधिक घटनामा पक्रा परिसकेको छ। दुवै आरोपीलाई आज सिलगढी अदालतमा पेश गरिएको छ। पुलिसले सम्पूर्ण घटनाको जाँच गरिरहेको छ।