डाक पार्सल लरीबाट 49 वटा भैंसी उद्धार, 2 जना पक्राउ

फाँसीदेवा, 8 फरवरी (निसं): फाँसीदेवास्थित मदाती टोल प्लाजामा दुई वटा डाक पार्सल लरीबाट 49 वटा भैंसी उद्धार गरिएको छ। यस घटनामा दुई जनालाई पक्राउ गरिएको छ। पुलिस सूत्र अनुसार, डाक पार्सल लरीमा भैंसीहरूलाई बंग्लादेश तस्करी गर्नका लागि बिहारबाट असमतर्फ लगिरहेको थियो। गोप्य सूचनाको आधारमा दुई वटा डाक पार्सल लरीहरू जफत गरिएको छ। यस घटनामा मोहम्मद आमिर र मोहम्मद वारिशलाई पक्राउ गरिएको छ। यी दुवै उत्तर प्रदेशका वासिन्दा हुन्। आज आरोपीहरूलाई सिलगढी अदालतमा पेश गरियो। पुलिसले सम्पूर्ण घटनाको छानबिन गरिरहेको छ।