सिलगढी: सिक्किमका मुख्यमन्त्री पीएस तामाङले आज नयाँ दिल्लीमा बौद्ध धर्मगुरु 14 औं दलाई लामालाई भेटेर तिनीबाट आशिर्वाद लिए। यस अवसरमा बौद्ध धर्मगुरुले मुख्यमन्त्री तामाङ लगायत सम्पूर्ण सिक्किमेलीहरूको सुख-शान्ति, भलाई र सुस्वाथको कामना गरे।
उक्त भेटघाटमा मुख्यमन्त्रीले दलाई लामालाई आगामी अक्टोबर महिनामा सिक्किम आउने निमन्त्रणा दिएपछि तिनले यसलाई स्वीकार गरेको कुरा मुख्यमन्त्रीले आफ्नो आधिकारिक फेसबुकमार्फत जानकारी गराएका छन्। उक्त भेटपछि आफु धेरै गौरान्वित र आनन्दित भएको कुरा मुख्यमन्त्रीले बताएका छन्।