दलसिंहपाडामा युवतीको शव उद्धार, प्रेमीले हत्या गरेको आरोप लगाउँदै एशियन हाईवे जाम गरेर विरोध प्रदर्शन

आलिपुरद्वार, 22 जनवरीः आलिपुरद्वार जिल्लाको दलसिंहपाडा चिया बगानबाट एकजना युवतीको मृत शरीर फेला परेको छ। उक्त घटना पछि इलाकामा सनसनी फौलिएको छ। उक्त घटनापछि परिवार अनि आक्रोशित स्थानीय वासिन्दाहरुले एशियन हाईवे जाम गरेर विरोध प्रदर्शन गरे। प्राप्त जानकारी अनुसार युवतीको एकजना युवकसँग प्रेम सम्बन्ध थियो तर तिनीहरूको सम्बन्धमा अचानक फाटो शुरु भएको थियो। मंगलवार बिहान युवती घरबाट बाहिर गएकी थिइन्, तर बेलुकी साँझ परिसक्दा पनि युवती घरमा नआएपछि परिवारका सदस्यहरूले चिन्ता प्रकट गर्दै पुलिसलाई यसबारे जानकारी गराएका थिए। यसपछि राती चिया बगानबाट युवतीको शव फेला पर्योा।
युवतीको परिवार पक्षले लगाएको आरोप अनुसार तिनका प्रेमीले युवतीलाई हत्या गरेको हो। आरोपी प्रेमीलाई सजाय दिनु पर्ने माग गर्दै आज एशियन हाईवे जाम गर्दै परिवार पक्ष अनि स्थानीय वासिन्दाहरुले विरोध प्रदर्शन गरे। घटनाले इलाकामा व्यापक उत्तेजना सिर्जना गरेको छ।