दार्जिलिङ जिल्ला भाजपा अल्पसंख्यक उपाध्यक्ष सराफद अलि अनि महासचिव तनजील तृणमूलमा सामेल

खरसाङ (निसं) : दार्जिलिङ जिल्ला भाजपा अल्पसंख्यक उपाध्यक्ष सराफद अलि अनि महासचिव तनजील अहमद भाजपा पार्टी त्यागेर तृणमूल काङ्ग्रेसमा सामेल भएका छन्। दुवैले आज खरसाङमा पत्रकार सम्मेलन बोलाएर झूटो आशा देखाएर जनतालाई लटाउने काम मात्र गरिरहेको अनि साहुलियतको नाममा जुमलाबाजी मात्र गरेर जनता लटाउने काम गरिरहेको छ भन्ने दुवैले आरोप लगाएका छन्। उनीहरूले यस्तो झूटो सपना देखाउने पार्टीले जनताको कुनै काम गर्न सक्दैन् भन्दै आफुहरू भाजपालाई त्यागेर तृणमूल काङ्ग्रेसमा सामेल भएको हो भनि बताएका छन्। दुवैले चाँढै खरसाङमा अल्पसंख्यकहरूको कमिटी बनाउने र तृणमुल काङ्ग्रेस दार्जिलिङ अध्यक्ष शान्ता छेत्री अनि मुख्यमन्त्री ममता ब्यानर्जीको छत्र छाँयामा बसेर काम गर्ने बताएका छन्। सराफद अली र तनजील अहमदले खरसाङमा पत्रकारहरूलाई सम्बोधन गर्दै आज आफुहरूले भाजपा छोड्नुको कारण बताएका छन्। स्मरण रहोस, भाजपा पार्टी त्यागेर तृणमूल काङ्ग्रेसमा सामेल भएपछि सराफद अलिलाई दार्जिलिङ जिल्ला माईनरेटी कमिटी उपाध्यक्ष अनि तनजील अहमदलाई दार्जिलिङ जिल्ला युथ उपाध्यक्ष नियुक्त गरिएको जानकारी प्राप्त भएको छ।