दार्जिलिङ सिंगताम रानीवनको सडक जीर्ण अवस्थामा, चालकहरू आफैले गरे मरमति कार्य

दार्जिलिङ (निसं): दार्जिलिङ शहरदेखि केही किलो मिटर टाढोमा रहेको सिंगताम रानीवनको सडकको अवस्थामा हाल अति नै जीर्ण अवस्थामा पुगिसकेको छ भने यसले गर्दा वाहन चालक लगायत स्थानीय मानिसहरूले दिनहुँ धेरै समस्या झेल्न परिरहेका छन्। धेरै समय अघिदेखि नै खराब अवस्थामा रहेको यस सडकको मरमति कार्य सम्बन्धित विभाग अथवा जीटीएले हालसम्म नगरिदिएपछि अन्तत: वाध्य बनेर सिंगतामका चालकहरू आफै अघि आएका छन् सडक मरमतिको लागि। विशेष गरेर यहाँको एक प्रतिष्ठित शैक्षिक संस्थान सन्त माइकल स्कुलको मुनिल्तिरको बाटो अझ जीर्ण अवस्थामा पुगेको छ भने हालै यहाँ एउटा गाडी पल्टेर दुर्घटना समेत भएको थियो। सडकको यति डरलाग्दो अवस्था छ कि यो बाटो भएर कुद्ने गाडीका चालक अनि त्यसमा सवार यात्रीहरूले भगवानको नाम नजपी हिड्ने सम्भवत कसै पनि नहोला। प्रत्येक दिन विद्यार्थीहरू लिएर यो बाटो हिडने एकजना गाडी चालकले सडकको यस्तो खराब अवस्था पुगिसक्दा पनि अझसम्म सरकारले केही नगरेको गुनासो पोखेका छन्। आज सिंगतामका चालकहरूले उक्त बाटोको मरमति कार्य आफै गरेको देखियो। सरकार पक्षले सडकको मरमति नगरिदिए पछि आफुहरूले पैसा संग्रह गरेर यो बाटो मरमत गरिरहेका छौ भन्दै आदर्श घिसिङले दुखेसो व्यक्त गर्दै स्थानीय सरकारले यहाँ केही गर्न नसक्ने तिनले बताए। यहाँ बिमारी तथा विद्यार्थीहरू बोकेर हिड्ने गाडीहरूलाई धेरै असुविधा हुन गएको छ। यसैले आज हामी सिंगतामको सम्पूर्ण चालकहरूले स्थानीय सबैको सहयोगमा आज यो बाटो बनाएको हो। यसमा लगभग 50 हजार भन्दा अधिक खर्च लाग्ने सम्भवना रहेको कुरा अर्को एकजना चालकले बताए।