दार्जिलिङ ट्रक चालक संगठनका सभापति हरिप्रसाद प्रधानको निधन

सोनादा : दार्जिलिङ ट्रक चालक संगठनका सभापति हरिप्रसाद प्रधानको 73 वर्षको उमेर आज बिहान ह्रदयघातको कारणले सिलगढीको एउटा निजी नर्सिङ होममा निधन भएको छ। तिनी गत 35 वर्षदेखि दार्जिलिङ ट्रक चालक संगठनका सभापतिको पदमा थिए। तिनले आफुपछि पत्नी, दुई छोरा र एकजना छोरी छाड़िगएका छन्। केही समय अघिदेखि तिनी मुटु रोग, सुगर र फोक्सो रोगको समस्या झेल्दै आएका थिए। तिनले संगठनलाई आजीवन दिएको योगदानको कदर गर्दै आज संगठनका सदस्यहरूले शोक प्रकट गरे। यसको साथै तिनलाई श्रध्दाञ्जलि स्वरुप भोलि अर्थात् 14 अक्टोबरको दिन सम्पूर्ण दार्जिलिङ पहाड़का मालवाहक ट्रक गाड़ीहरू बन्द राखिने भएको दार्जिलिङ ट्रक चालक संगठनका महासचिव राजेन छेत्रीले जानकारी दिएका छन्। संगठनका सभापतिको निधनमा गहिरो शोक समवेदना प्रकट गर्दै संगठनको मात्र होइन तर आफूले एकजना अभिभावक र मित्र गुमाएको तिनले बताए।