धेरै मात्रामा अवैध रम-रक्सीसहित दुईजना पक्राउ

सिलगढी : सिलगढीको प्रधाननगर थाना पुलिसले गोप्य सूचनाको आधारमा अभियान चलाएर गत सोमबार राति मल्लागुडी इलाकाबाट धेरै मात्रामा विदेशी रम-रक्सीसहित दुईजना युवकलाई पक्राउ गरेपछि आज अदालतमा पेश गर्यो। पक्रा परेका युवक सिलगढी निवासी उदय चन्द्र साहा र सुमित सरकारको रूपमा सामेल छन्। प्राप्त जानकारीअनुसार सोमबार अबेर राति धेरै मात्रामा विदेशी रम-रक्सी एउटा वाहनमा लादेर बाघडुग्राबाट भक्तिनगर थाना इलाकामा तस्करी गर्ने उद्देश्य लगिरहेको समय गोप्य सूचनाको आधारमा प्रधान नगर थाना पुलिसले अभियान चलाएर माल्लागुड़ी इलाकाबाट 180 बोतल विदेशी रम-रक्सीसहित दुईजना युवकलाई पक्राउ गरेको बताइएको छ। घटनाको जाँच शुरू गरेको पुलिस सूत्रले जनाएको छ।