दीपावलीमा ध्वनि प्रदूषण रोक्न सिलगढीमा आइतबार सचेतना रैली निकालिइने

सिलगढी, 25 अक्टोबरः दीपावलीको समयमा ध्वनि प्रदूषण र वायु प्रदूषण रोक्नका लागि भारतीय चिकित्सा संघ र हिमालयन नेचर एन्ड एडभेन्चर फाउन्डेशनले पहल गरेका छन्। यी दुई संस्थाको तर्फबाट आज पत्रकार सम्मेलन आयोजना गरेर ध्वनि प्रदूषण रोक्नका लागि भारतीय चिकित्सा संघ र हिमालयन नेचर र एडभेन्चर फाउन्डेशनको संयुक्त पहलमा आगामी आइतबार सिलगढी शहरमा कञ्चनजङ्घा स्टेडियमबाट एउटा रैली निकालिइने भएको बताइएको छ। उक्त रैलीमा जनतालाई सचेत गराइनेछ।
आजको पत्रकार सम्मेलनमा भारतीय चिकित्सा संघका सचिव शंख सेन र हिमालयन नेचर एन्ड एड्भेन्चर फाउन्डेशनका सचिव दीपनारायण तालुकदार, कार्यक्रम समन्वयक अनिमेष बोस लगायत अन्य सदस्य उपस्थित थिए।