दोकानहरूको मालिकाना हकको मागमा सिलगढी विधान मार्केट 24 घण्टा बन्द, व्यवसायीहरूले निकाले विराट रैली

सिलगढी (निसं): सिलगढीको विधान मार्केटको सबै दोकानहरूको मालिकाना हक दिनु पर्ने माग गर्दै सिलगढी विधान मार्केट व्यवसायी समितिले आज बुधबार विधान मार्केट 24 घण्टा बन्द राखीदिने आह्वान गरेको छ। यसैलाई ध्यानमा राखेर आज बिहानदेखि नै सम्पूर्ण विधान मार्केट बन्द रहेको छ। यसको साथै व्यवसायीहरूले आफ्नो मागको समर्थनमा आज शहरमा एउटा विराट रैली पनि निकाले। प्राप्त जानकारी अनुसार मार्केट बन्द गर्नको साथै आज व्यवसायीहरूले सिलगढी शहरमा हातमा प्ला कार्ड लिएर एउटा विराट रैलीको पनि आयोजना गऱ्यो। उक्त रैली सिलगढीको विधान रोडबाट सुरू भएर हाशमी चौक,सेभोक मोड़, पानीट्याङ्की मोड हुँदै विधान मार्केटमा पुगेर समापन भयो। यस सम्बन्धमा विधान मार्केट व्यवसायी समितिका सचिव बापी साहाले भने, 62 वर्षदेखि विधान मार्केटलाई वञ्चित गरेको प्रतिवादमा हामीले आज विराट रैली निकालेर 24 घण्टा मार्केट पनि बन्द राखेका छौ।