डुवर्समा हात्तीको आक्रमण जारी: 2 वटा घर ध्वस्त, युवक घाइते

अलीपुरद्वार, 30 जनवरी (निसं): डुवर्समा हात्तीले फेरि दुई वटा घर ध्वस्त पारिदिएको छ। उक्त घटनामा एकजना युवक घाइते भएको छ। यो घटना बिहिबार बिहानको समय दलसिंहपाडा चिया बगानको गोदाम लाइन र जोटू लाईन क्षेत्रमा घटेको हो।
घटनाक्रम अनुसार, आज बिहान दलसिंहपाडा चिया बगानको गोदाम लाइन क्षेत्रमा एउटा जंगली हात्तीले समीना बीबीको घरमा आक्रमण गर्योक। हात्तीको आक्रमणमा घरको एउटा भित्ता भत्कियो र सोही घरमा सुतिरहेको समीना बीबीको छोरा सोहेल अन्सारीमाथि भित्ता ढलेर लाग्यो। उक्त घटनामा सोहेल घाइते भएका छन्।
पछि हात्ती दलसिंहपाडा जोटू लाईन क्षेत्रमा पुगेर सानिया खारियाको घर पनि ध्वस्त पारिदिएको छ। सानिया खारिया र उनका दुई जना नानी भाग्यले बाँच्न सफल भए। हात्तीले केही समयसम्म त्यहाँ ताण्डव मच्चाए पछि अन्तमा जंगलतर्फ फर्कियो।