खरसाङ (निसं) : दार्जिलिङ पुलिसको आयोजनामा आज शनिवार खरसाङमा ड्रग्स साथै चेली बेच-बिखनबारे एउटा सचेतना कार्यक्रम सम्पन्न गरियो। यस अवसरमा दार्जिलिङ पुलिस अन्तर्गत खरसाङ थानाको तर्फबाट खरसाङ मोटर स्ट्याण्डबाट सचेतना एउटा सचेतना रेली निकालिइयो। उक्त सचेतना रेली खरसाङको हिल कार्ट रोड हुँदै अस्पताल मोड़बाट बर्ध्दमान रोड भएर पुन: मोटर स्ट्याण्डसम्म सम्पन्न गरियो।
ड्रग्स तथा चेली बेच-बिखनबारे सम्पन्न भएको उक्त सचेतना कार्यक्रममा दार्जिलिङ पुलिसको एएसपी मनोरञ्जन घोष, खरसाङ पुलिस थानाको आईसी निवेन्दु सरकार, हिल फुटबल एकाडेमीका पदाधिकारीहरू, खरसाङ बिजिनेस एसोसिएशन-का पदाधिकारीहरू, चाइल्ड लाइन खरसाङ आदिका पदाधिकारीहरू उपस्थित रहेका थिए।