एडवर्ड फाउन्डेसन र दार्जिलिङ इनिसेटिभ-द्वारा प्लान्टर्स हस्पिटललाई चिकित्सकीय सामग्री प्रदान

दार्जिलिङ : दार्जिलिङको सामाजिक गैर सरकारी संस्था एडवर्ड फाउन्डेसन अनि दार्जिलिङ इनिसेटिभको एउटा प्रतिनिधि टोलीले आज दार्जिलिङको प्लान्टर्स हस्पिटलको वर्तमान परिस्थिति तथा समस्याहरूबारे निरीक्षण गर्यो। यस अवसरमा हस्पिटलका प्रमुख डाक्टर प्रबन दाससित भेट गरेर कोरोना सम्बन्धी रोगीहरूको तथा अन्य चिकित्सकीय सामग्रीहरूको अभावबारे जानकारी लिए। एडवर्ड फाउन्डेसन अनि दार्जिलिङ इनिसेटिभको तर्फबाट प्लान्टर्स हस्पिटललाई चिकित्सकीय सामग्रीहरू क्रमैले 4 वटा अक्सिजन कन्सेनट्रेटर, 5 वटा पल्स अक्सिमिटर लगायत अन्य सामग्रीहरू प्रदान गरियो। उक्त सामग्रीहरू पाएपछि डाक्टर दासले खुसी प्रकट गर्दै वर्तमान परिस्थितिमा यी सामग्रीहरूले चिकित्सा गर्नको निम्ति रोगीहरूलाई धेरै सहयोग पुग्ने दावी गर्दै आभार प्रकट गरे। हाल कोरोना संक्रमण तथा अन्य रोगीहरू उपचारको निम्ति अस्पतालमा आइरहेको डा. दासले प्रतिनिधि टोलीका सदस्यहरूलाई जानकारी गराए।