एकै रातमा 6 वटा दोकानमा चोरी गर्ने प्रयास, व्यवसायीहरूमा डर उत्पन्न

राजगञ्ज, 28 नोभेम्बर (निसं): राजगञ्जको फाटापुकुरमा एकै रातमा 6 वटा दोकानमा चोरीको प्रयास गरिएको घटना प्रकाशमा आएको छ। यो घटना बुधबार राति घटेको हो। आज व्यवसायीहरू फाटापुकुर मोडमा आफ्ना दोकान खोल्न पुग्दा उनीहरूले दोकानमा चोरी गर्ने प्रयास गरिएको थाहा पाए। बदमासहरूले ताला तोडेर दोकानमा पसेर रूपियाँ राख्ने दराज खोलखाल गरे। तथापि, केही धेर चोरी भएन। तर चोरहरूले एउटा मिठाई दोकानको ग्रील भत्काएर सीसीटीभीको हार्ड डिस्क चोरेर लगेको बताइएको छ। यसको साथै क्यास बक्सबाट केही हजार रुपियाँ नगद चोरी गरेको छ। यसका अतिरिक्त चोरहरूले अन्य दोकानहरूमा पनि चोरी गर्ने प्रयास गरेका थिए। यस घटनाको जानकारी राजगञ्ज पुलिस थानालाई दिएको छ। अभियोगको आधारमा पुलिस घटनास्थलमा पुगेर जाँच शुरू गरेको छ।